Brasili,a sciarra pi biglietti di l’autubussu e i soddi pu palluni
U Brasili è na nazioni ranni, china di ciumi e di foresti,di terra,di oro e di pitroliu,
di ricchi e di poviri,di modennu e anticu,unni si parra u Portoghese,na lingua chi
s’impasta nta bucca e si senti sciddicari.
Lula, e ora Gilma pigghiarru u paisi poviru e,nta quattru e quattru otto u puttarru
Nto menzu e rossi,chi ora u Brasili è nte BRIC.Ci desuru da manciari e assistenza
A cu avia cchiù bisognu e sfruttarru megghiu i ricchizzi du paisi,chi sunnu assai.
Bastoi pocu pi divintari i primi da Merica Latina e fari scola.Pigghiarru tantu pedi
Nta comunità di nazioni,chi ci desuru,l’Olimpiadi a Coppa du Munnu du Palluni e
Chidda di Confederazioni,chi stannu giucannu accamadora.Nta tru menti arrivoi
A crisi ,i prezzi chianarru,l’economia peggioroi e tanti soddi inveci si spinniunu
Pi fari i campi novi o finiunu nte sacchetti di guvennanti.A San Paulu u Sinnucu
Aumintoi i biglietti di l’autubussi, chi faciunu schifu e arrivaunu in ritaddu.A popo
Lazioni si riuniu e protestoi,a pulizia reagiu e così u focu si laggoi,Di San Paulu
Passoi a Riu,a Brasilia,a san Sabbaturi di Baia.A genti cumincioi a protestari
Contru u govennu e chiddi du Movimentu du Passaggiu Libiru.l’MPl scriverru
Chi vuliunu i trasporti gratuiti,na scola bona e pi tutti,spitali cu bravi dutturi e
Nfimmeri.Gilma a Presidenti, e so padrozzu Lula forru pigghiati alla sprovvista
Non si spittaunu chi u populu chi puttoi e i sostiniu putia iazzari a vuci.E poi,a menzu a l’autri
Cosi,c’era sta cammuria da Coppa di Confederazioni chi s’avi a puttari a compi
Mentu. S’avissi a succediri cacchi minchiata ,u Brasili putissi ancora peddiri
L’Olimpiadi e A Coppa du Munnu e tutti l’interessi chi ci stannu d’arredi,.
Saria na maravigghia cu populu brasilianu chi vosi beni assai e du presidenti
L’avissi a ittari nterra.Ma ancora ci voli cchiù sai d’un annu di tempu pi
L’elezioni e cia ponnu fari.
Nessun commento:
Posta un commento