Un votu e libiri tuttiA so vista si inchiunu l’occhi, na bombonera nto menzu e muntagni ,na rasta di ciuri,
u paisi i Munfotti beddu e riccu di antica storia,di tantu tempu s’annava piddennu
un ionnu pi l’autru.I campani sunanu a mottu,i casi si svutavunu,nte vineddi non
si scuntrava mancu na iatta e i figghioli si ni scinniunu pi ghiusu o si trasfiriunu
pi supa o nta Svizzira comu i patri e i nonni.Na catina fitta di figghi e figghiastri,
cumparaggi,favuri e favureddi,mbrogghi e cosi stotti tinia tuttu femmu,tranni u
riloggiu da Chesa Matri.Paria rivari a notti e non brisciri cchiù.Ma a storia fina a
chi ci sunnu l’omini non finisci mai.Na picca i figghioli,masculi e fimmini miscati,
studiati e ca testa supa i spaddi si menterru avanti pi costruiri u cambiamentu.
Inveci di diri paroli difficili chi aviunu stadiato a scola,parrarru semplici e chiari,
umili e sinceri.A genti si convinciu e i vutoi chi fu un veru triunfu.A ghiazza si
inchiu finu o Rusario e puru nte vineddi,svintulaunu i banneri e sunuanu i
tammuri e Pippu Cannistrà ,u novu sinnucu,u iettaunu all’aria pa cuntintizza.
Tutti si abbraccianu,si bacianu,masculi e fimmini,amici e nemici,conuscenti o
No.I campani sunuanu a festa,a Sant’agata,a Sant’Antoniu,a San Franciscu e
Puru a Macculata.Tutti i lampadini si dumarru,i iaddi cantarru,i cani baiarru du
Passu i Sabbanu a Santu Petru,a Niculetta,a Bagheria,a l’Apucu e finu nta
Brucazza.Paria a festa i San Gioggi,i Sant’Agata,U Capidduzzu i Maria e
A Nunziatedda.Vosunu diri chi puru nto Campusantu si sintiu gridari di gioia.
A Catina era rossa e intricciata,ma un pinseri fotti ha sciugghiu.I Munfuttisi,
finalmenti,si sinterru libiri e patruni du so avveniri,chi non ci aviunu cchiù
dari cuntu a nuddu e assemi putiunu fari cosi boni.Pippu Cannistrà era unu
d’iddi,semplici e umili e chinu di vuluntà.Uno chi sapi,ma no ci interessa
farlu sapiri,unu chi avi idei chiari,ma tanti dubbi,picchì è intelligenti,uno
chi scuta all’autri,picchì voli capiri.Munfotti è in boni mani Auguri.
Nessun commento:
Posta un commento