Una pi simana di Donnantoni

Du Kazakistan   o  Berlucistan

Nta nu paisi luntanu luntanu vicinu all’Iran, sutta da Russia e prima da
Cina cumanna un cristianu scattru e fotti,u prisidenti Nazabaiev. Avi vint’anni
Chi vinci sempri l’elezioni,picchì chi soddi chi si fici cu pitroliu e cu gas si
Catta a tutti.U so partitu,Luci da Patria,spunna a tutti i banni e a l’autri ci
Lassa i muddichi. Si cacchidunu ci rumpi i scatuli,u sistema pi festi e pi
Lauranti,si ci va bona scappa a l’esteru, annunca finisci nta puliciusa.Nta
stu paisi chi si chiama Kazakistan i cosi filunu ritti,picchì u bastuni du cu
Mannu  e femmu e duru.U bancheri Abliazov,chi savia mintutu cacchi puli
Ci nta testa si n' appi scappari a Lontra, e a so mugghieri
E  a so figghia di sei anni ,Alua, i “sistimoi” a Roma. U poviru bancheri
non capiu chi avia fattu a cchiù rossa minchiata da so vita. S’avia scuddatu chi
L’Italia si chiamava puru Berlucistan. L'omini di Nazarbaiev si misiru
Daccoddu cu chiddi di Anciulinu Alfanu,u figghiozzu di Silviu,pi
’amici “u Fradiciu”,e in quattru e quatrottu pigghiarru a mamma e a
Figghia, i minterru supa l’aeriu e cia’ manarru nto Kazakistan,nta bucca
e liuni. A cosa a tinerru mucciata,ma quannu nisciu o ghianu fu nu
Scannulu.Anciulinu dissi chi non sapia nenti e cia’ scarricoi e diri
Genti du Ministeru.Davanti o Parlamentu ripitiu chi era innocenti
Picchì’ non sapia nenti,passoi pi babbu,ma sa scapputtoi di dimis
Sioni e fici cuntentu o Nonnu Gioggiu chi ci teni assai o guvennu di
Lagghi intesi. Chi poi sutta sutta c’avia succidutu? Inveci di
Proteggiri na mamma e so figghia di chiddi chi ci putiunu fari
mali, ficimu o conttrariu,cia consegnammu  direttamenti.
Ommai nto munnu ni canusciunu tutti e quannu vutamu i spaddi
Ni ridunu e ni pigghiunu pu culu. Pi nenti l’Italia a nciuriunu
Berlucistan.

Una pi simana di Donnantoni

                          L’Egittu si ni nfunna e a Merica trema

U Paisi di Farauni sta divintannu un geroglificu.Ficiru a rivoluzioni

mi si levunu a Mubarack,poi vutarru o frati Morsi Prisidenti,ora fannu

N’autra rivoluzioni mi levunu a Morsi.I cumpagni du Prisidenti scinerru

Subutu  nte stradi mu difennunu, i Generali si minterru nto menzu e

U ficiru fora e nominarru o postu d’iddu El Mansour,chiddu da Corti

Costituzionali. Spatti vonnnu puru El Baradei,u Nobel pa Paci. Fattu sta chi nte stradi e nte ghiazzi si  spara e

Non si sapi comu finisci.Obama avi u cori comu un filu di capiddu,picchì

Si ci scappa u pedi all’Egittu,nto Mediu Orienti non si capisci cchiù nenti

E si po scuddari u  pitroliu sicuru.E nta stu menti,pi inchiri a pumpetta di cosi stotti

Si mintiu u Spiuni Snowden chi “nisciu pacciu”.Dissi ,nenti di menu,

chi Miricani scutaunu  i telefonati di tutti,sms e email di nostri guvenni

europei e l’ambasciati e ntraserru a tutti i banni,magara nte cessi.

Camadora u “pacciu” è a Mosca,sutta l'anca di du bravu

Figghiolu di Putin e cecca asilu nta tuttu u munnu.Evu Morales,u Pridenti da Bolivia,chi era a Mosca,avia a accunsintutu,e quannu si nannoi i miricani ci bloccarru l’aeriu nto celu e u ficiru

Atterrari a Vienna,picchi aviunu a vaddari si si l’avia puttatu cu iddu.

Stu povuru Snowedn u ssicutunu comu u cchiù disgraziatu terrorista,ma a so

Cuppa è di fari sapiri a genti chi da democrazia oggi avemu sulu a facci picchi sut

Ta  c’è sempri a dittatura.I guvenni europei ficiru finta chi s'incazzaru cu

Padruni miricanu e cacchi d’unu fici a vuci rossa. Littino pinsoi chi era

Babbu,picchì avia statu fideli all’Allianza, mentri Silviu,pi “l’amici”,u

Fradiciu,sa ridi picchì nte brogghi si trova bonu. Inveci tanti mammi

Cianciunu di raggia,picchì i so figghi murerru nta na guerra pi difenniri

n' amicu tradituri.

ESTRAZIONE LOTTERIA CENTOPASSI DEL 30/06/2013

• I PREMIO    N° 845
• II PREMIO   N° 2778
• III PREMIO  N° 962

I VINCENTI POSSONO CONTATTARCI VIA MAIL  arci.centopassi@gmail.com

Una pi simana di Donnantoni

Accorinti  u sinnucu  scausu
 
Cìera na vota a città babba,unni cumannaunu i cappiddazzi,i cappucci e
I birritteddi,unni tuttu era femmu,tranni u ionnu e a notti e i staciuni e
Mancu i Giganti putiunu fari nenti.I soddi faciunu sempri u solutu giru
.a spazzatura fitia nte stradi,ca puzza si sintia di l’autru latu du Strittu.
Missina a muntuaunu sulu pa cumparsata chi fici a so squadra nta serii
A e pu progettu du Ponti chi non finia mai.Un ionnu pirò.supa u ponti,
chiddu du cumannu,arrivoi Silviu,pi l’”amici” u Fradiciu chi giuroi
supa a testa di so figghi,chi nta picca tempu avissi fattu tuccari a
Sicilia ca Calabria.Rinatinu Accorinti,prufissureddu di educazioni fi
Sica.,testa caudda e pinsanti,visti u piriculu chi curria a so città,chi putia
Peddiri a so biddizza e a so natura e misi avanti a so squadra du No Ponti
Lottoi  sempri e non si scuraggioi mai,nemmeno quannu erunu quattru
Iatti,picchì sintia dintra d’iddu chi facia a cosa giusta.E nta tru menti
Battagliava contru a guerra,contru a Mafia e pa dignità di chiddi chi
Sunnu cunsiderati l’ultima rota du carru.U fici cu tanta gioia e tanta
Vuluntà,ca genti si cunvinciu chi era pi daveru un bravu cristianu e i
Missinisi,chi vulinu canciari i cosi,pinsarru a iddu e u ficiru sinnucu.
Rinatu pu giuramentu si prisintoi a pedi scausi,ca so maglietta No Ponti
E chi so quattru cani e fu nu scannulu.U pigghiarru pi pacciu e pi
Sfissatu,quannu inveci vulia dimostrari c’avia ristatu chiddu di sempri.
Ora pirò pu cumpagnu Accorinti cumincia u difficili.Avi a trasiri nto
Zappatu e non avia a fari dannu,si no scinnunu i lupa da Ntinna a Mari
E su manciunu.Avi a stari attentu cu cu avi a chi fari e avi aviri fiducia,
ma non tantu.Si ci rinesci diventa un mitu,ma si malagurautamenti i
cosi ci vannu stotti, al’abbiri beddi chi criscerru nto so giaddinu ci manca
l’acqua e si siccunu,e saria un veru piccatu.