U mottu i cent'anni giroi ca so machina muttuaria u Vaticanu,tutta Roma
e i paisi vicini. Truvoi tutti i potti di chiesi chiusi a chiavi e cu ferru
passatu.I parrini si diciunu Patri Nostri e Avi Marii 'nta sacristia e
picchì nuddu ci vulia diri a missa a un mottu comu a chiddu.
Priebke,u tedescu SS,stavia scoppiannu nta cascia da raggia, poi
a Albanu Laziali a campana sunoi e a potta si apriu.
Era na chiesa chi appattinia o vescuvu Lefevre,u francisi chi iammoi cu Vaticanu,pa missa
in latinu pi ristari 'nta tradizioni e contra u munnu modennu. Appena sinteru
sunari a campana i vecchi pattigiani,i figghi,i niputi sa friscaru
e nisceru 'nte stradi;cacchi fascista vulia fari u scattru,ma sappunu
'nziccari a cuda 'nto menzu e iammi e u corteu funebre appi ritunnari arreti.
Hitler e Mussolini 'nto nfennu ittaru du santiuni.
E Priebke finiu così, comu era giustu chi finia, disprizzatu i tutti.
U carnefici di Fossi Ardeatini chi pi currìu fici mazzari tricentutrentacinqu romani,
deci pi ogni tedescu chi avia murutu nta l’attentatu di via Rasella.
E i cuntoi unu pi unu, picchì a peccentuali avia 'nquatrari precisa.
Dopu a guerra si ni fuiu 'nta l'Aggentina,ma dopu quarant’anni
u chiapparu e u puttaru nta l’Italia e fu connanatu all’eggastulu.
Davanti a unu comu a chistu è facili dari un giudiziu,ma u problema è chi razzisti
ci ni sunnu tanti autri, chi cridunu 'nta violenza,'nta dittatura,chi ancora cridunu
a Mussolini chi manciava 'nto stissu piattu di Hitler.
Si 'nte secoli, inveci di peddiri tempu cu Romani e Visigoti, studiassimu
megghiu a storia fossi un funerali così no vidissimu 'chiù.
I nostri votazioni: 5 o Tribunali di Milanu: picchì dui e non ducentu anni
di interdizioni?
A Monti 6 picchì si ni nisciu da politia e 3 picchì ci vosuru na para d'anni mi capisci
cu su Mauru e Casini. Risuttatu: 4 e menzu.
Nessun commento:
Posta un commento