Una pi simana di Donnantoni

Na sumana fa u cielu scuroi supa Roma,facia friddu e chiuvia,
si sintiu na botta fotti e un lampu fici tanta luci chi a genti pinsoi : chistu u Signuri è!

Pigghia e du ionnu va e si dimetti u so rappresentanti, u Papa.
Dissi chi è vecchiu troppu malu cumminatu pi mentiri a barracca o postu.

E cristiani ci ghiaccioi u sangu nte vini. 

Comu putia essiri cu Papa si dimittia? Ma non si n'avia 'nnari bellusconi?

Non c'è chiù religione!
U picuraru tedescu quannu 'nchianoi o scrannu di Santu Petru,

paria tuttu d’un pezzu, scorbuticu e na 'nzinna buriuseddu,
fossi pa brutta nomina ch’aviunu i so paesani.

Scrivi chi pari nu scienzatu, non sbagghia mai.

Sulu na vota, davanti e figghioli di Ratisbona, si scuddoi chi era Papa,

e ci dissi chi Maomettu era sciarridderu.

Unnè chi pattia na guerra cu d'autri 'ncazzusi di musulmani.

Quannu sbiggugnoi e so colleghi chi tuccaunu i picciriddi però fu bravu.

Iddu s'avia misu nta testa chi avia fari pulizzia nta Curia e nta Banca du Iorri,

unni c'erunu puru i soddi di mafiusi, chi su tutti cattolici.

E docu cadiu u sceccu!

A du poveru vecchiu ciù ficiru a cappeddu i parrinu.

U papa però ni vulia nsignari chi quannu unu e vecchiu è megghiu mi si ni va,

comu fannu i cristiani normali.

Ittoi all'aria tutti cosi, nto culu i caddinnali pigghia iaddini

e sicuru chi u mentunu nte libri da scola.