Una pi simana di Donnantoni

Fabiana,nonna Franca e l’omini scannaturi

Du fimmini,du casci i mottu e tantu sangu nto menzu e cosci.A Coriglianu Calabru,
Fabiana,na carusa i chinnici anni savia fattu zita cu Davidi i diciottu anni.Idda u
Vuluia picchì ci piacia e, a dda età u focu brucia assai e non c’è acqua cu po
Stutari.Davidi ci avia già miscatu e rumputu u nasu picchì era bedda e ci facia
Nchianari a gilusia,ma na sira a raggia  u fici divintari un cavaddu pacciu,a testa
Ci pattiu ,a spugghioi,sa futtiu e a brucioi.I stradi du paisi si incherru di ghiantu,
pa tragedia chi c’avia cadutu supra.U parrinu nta missa parroi bonu e dissi cu
carusu sbagghioi assai,ma si si pintia Diu misiricurdusu u perdunava.Iddu pirò,
si scuddoi di diri chi fimmini venunu mazzati di l’omini puru picchì a Chesa
ci nsigna a essiri suttamisi e onorati e nta società sunnu usati comu cosi pi
fari pubblicitàNta Calabria,pi diri,quannu una nesci incinta,a famigghia fa un votu a San Franciscu di Paola pi fari nasciri un masculu.Comu a Coriglianu,puru a Milanu nto millinovicentusettantri,
Franca Rami,a mugghieri di Dariu Fo,fu pigghiata di cinqu fascisti ca spug
Ghiarru e ci a ficiru nesciri di l’occhi,picchì era comunista e libbittina.Ma idda,
chi pi sbagghiu si sabboi ,siccomu era attrici di teatru,si nannoi supa u palcu e
i bannoi.Cuntoi i fatti pi filu e pi segnu,puru i cosi loddi, e così difinniu
l’onori soi e di tuti i fimmini.Pirò a Cumpagna Franca cacchi ionnu fa ni lassoi pi
sempri e putroppu nto so cori si puttoi u duluri pi Fabiana e pi tanti e troppi martiri
di l’omini scannaturi.

Una pi simana di Donnantoni

A Cruci, u matteddu e a fauci  

A Lanterna si stutoi e Don Gallu annoi a truvari  Fabriziu pi cantari i so

canzuni cu coru di l’anciuli du Paradisu.

Quannu era figghiuleddu fici u pattiggianu,comu tanti autri taliani,

pi libbirari u so paisi du mobbu fascista e ristoi pi tutta a so vita 

un suddatu da giustizia.

Un ghionnu 'ncuntroi un preti salesianu chi ci apriu l'occhi. 

U Vangelu di Gesù era a strada pi ciccari chiddu chi vulia ,

e a religioni divintoi u so manciari. U so viaggiu fu na strada ritta

vessu a giustizia pi menzu dell’amuri pi l’umanità. Dimustroi chi paroli 

e chi fatti comu si fa. Nte cacciri minorili,nte barracchi brasiliani,nte

carruggi genovisi, a iutari tutti chiddi chi aviunu cchiù bisognu.

Quannu parrava di buttani, di caccirati, di ricchiuni, chi passunu pi uttimi,

a 'Ntria ci brillaunu l’occhi, picchi avia vistu chi erunu brutti,comu

si dici,ma aviunu tannta biddizza e amuri. Cu chiddu chi ci

cuntava sta genti, Don Gallu si cunvinciu sempri cchiùssai chi i

sofferenzi non viniunu pi casu. U problema era chi i liggi

difennunu i cchiù fotti, chiddi chi soddi.

E allura u parrinu divintoi cumpagnu e si

'ziccoi nte manifestazioni du G8, NO TAV, Fiom, contru a Mafia, i

guerri, i banchi e i meccati zuca sangu. 

Stu fattu a chiddi ca birritta russa

non ci caloi rittu e u misiru i patti comu na pecura

nira.

'Ntria suffria assai a vidiri a so Chiesa chi si scantava di comunisti e

annava a braccettu chi fotti e,cosi di l’autru munnu, puru chi fascisti.

Poi rruvoi Papa Francescu e ci fici nasciri na spiranza.

Cu sapi si a Chiesa si libira di fissazzioni du sessu e pensa pi daveru comu

avi iutari u prossimu? 

E’ sicuru chi Don Gallu saria cuntentu e continuiria

a cantari Bella Ciao.

Una pi simana di Donnantoni

U Colosseu e I Piramidi nta na sula cattulina

A San Giuvanni a Roma e nta chidda di Tahir o Cairu a genti scinniu nta

Ghiazza a protestari,ca l’hannu contru i Cumpagni.

I Cumpagni 'narru pridicannu pi vint’anni chi u “ Fradiciu” era u mali,

chi era 'mrugghiuni e puru dilinquenti e pi fari i cazzi so facia moriri di famia genti, e chi pi putiri campari s’avia mannari 'nte cacciri.

I Fratelli pi quarant’anni aviunu cummattutu a dittatura du “ Farauni”  e cettuni fineru puru nte cacciri,ma dopu chi ficinu a rivoluzzioni assemi o populu cu sangu di martiri,appena 'rruvaru o poteri si misuru d’accoddu chi

suddati. A stissa cosa ficiru i Cumpagni chi ca scaciuni di l’emeggenza,si misuru cu “Fradiciu”. E tutti chiddi chi vutaru,ca pighiarru nta ddu postu.

Nte du ghiazzi ttaccaru fratelli e cumpagni offani di patri,chi continuanu a cummattiri pu travagghiu, pa giustizzia, pa scola, pi spidali e pa libbittà.

U problema è chi tuttu u munnu è paisi. Unni ti trovi trovi, quannu chiddi chi cumannunu pi daveru, chiddi chi hannu i soddi, sentunu fetu di cambiamentu, quannu vidunu cu populu si cumincia a moviri, si mentunu tutti subbutu

D’accoddu e i povarazzi restunu ca cannila nte manu.

U problema è sempri u stissu.

Annamu a vutari, scioperamu, protestamu,scrivemu belli poesii, ma quannu passamu u confini n’avemu a fimmari annunca ni fannu sautari 'nta l’aria.

E pinsari chi putia nasciri na parintela fra Italia e Egittu.

U “Fradiciu” avia dittu chi s’avia fattu zitu ca niputi du “Farauni”.

Sfuttuna ca figghiola era marucchina e si chiamava Rubbi picchì ci spillava i soddi e vicchiareddi .

Una Pi Simana
di Donnantoni

Un immu e tanti piccati ancora è dda chi parra cu San Petru e ci sta cuntannu tuttu chiddu chi cumminoi 'nta sta terra.

U processu du zu Giuliu ci menti assai tempu pi rrivari a sintenza, pi tanti causi unni è 'ntricatu e picchi cà so pallantina e chi so raggiunamenti longa u brodu e misca i catti puru davanti a giustizia divina.

Spinniu a so vita pi cumannari e pi fari l’omu potenti.

'Ntrasia e niscia du vaticanu, parrava chi presidenti, era amicu di bancheri,di principali delinguenti e di politici nni facia chiddu chi vulia.

Chi ricchi a sventula e u immu pisanti di tanti misteri, ci faciunu 'nte giunnali a carricatura ma nuddu rinisciu mi su pigghia pu culu.

'Nto so longu viaggiu scigliu sempri u straduni lagghu da cunvinienza e non u violu strittu da giustizia, chi chiddu era pi babbi o, peggiu ancora, pi comunisti.

E fici mazzari o fraticeddu Moru chi ci scriviu littri chi faciunu strazzari u cori, Picuredda ,

u spiuni tradituri, l’onestu Ambrosoli chi vulia ncastrari u patticianu Sindoni, u Generali

ca so giovini mugghieri. Pinsarru puru a iddu quannu truvaru u Banchieri 'mpinnutu

sutta u ponti i Lontra, e ancora non sapemu si bacioi nto mussu a Totò o ci strincciu

sulu a manu. Ogni matina si iazzava e si nannava a missa, e pi l’occhi sociali facia

opiri di beni. Ma puru pi iddu arrivoi u ionnu du giudiziu.

Cirimonia chi botti

Una Pi Simana 
di Donnantoni


E mentri Lettinu ‘nto Palazzu chi so cumpagni ministri giuroi, fora 'nta ghiazza,u manuali Preiti sparoi e feriu du carabbineri e na fimmina in cinta.U govennu di Enricu u niputi i Gianni nasciu ca mala cutra.
A tutti c’hannoi a testa a comu ci finiu a Moru,quannu fici u compru missu cu Bellinguer e cacchidunu si piscioi in coddu, ma chidda fu tutta n’autra storia, chiddu era un compromisu,chistu è nu brogghiu, tannu erunu i Brigati Russi,ora è un poviru cristu.Preiti,emigratu calabrisi,lassatu da mugghieri e senza travagghiu, si avia cacchi soddu su giucava e a testa ci pattia chi un fallutu si sintia. Iddu pinsava ca cuppa non era a soi,ma di politici chi rubbaunu e non faciunu nenti pa genti.Sti pinseri ci faciunu sempi cchiù sai ‘nchianari a nirbina e tantu ci macinaru ‘nta testa chi si fici veniri a felici idea chi si putia vindicari e putia sparari e criminali. Ma u pianu ci falliu e ci annoi ‘nto menzu cu non ci cuppava.Unni u dutturi.nto barri,a posta,nte matrimoni e nte funerali,non c’è postu unni non si parra mali di politici.Tutti parrunu chi s’avvissiru a mazzari,chi s’avissiru cundannari e travagghi fozzati,chi ci vulissi na bumma quannu sunnu tutti dda a Montecitoriu.Propria chiddu chi pinsava Preiti, purusi sbagghioi bessagliu.Fossi saria ura mi ni dariumu tutti na cammata e mi ni facissimu n’esami di cuscienza.Si ci sunnu tanti politici chi robbunu e non sannu fari nenti, chisti non venunu di Marti,semu nui chi mannamu dda.Quannu annamu a vutari inveci di scegliri chiddu chi ni fici un favuri, chiddu cchiù furbu e fotogenicu,picchì non vutamu u cchiù onestu e capaci? Preiti è coppevuli, ma tutti l’autri non sunnu innocenti. A scusa chi pi ora c’è u pucceddu non è bona, picchì ‘nte regionali, provinciali etc facemu puru peggiu.

Na rinnina nun fa primavera

Una Pi Simana 
di Donnantoni

Gioggi Napulitanu, dopu cu prigaru di ritunnari, cu tuttu u piaciri si misi a cumannari. ‘

Nta so stanza du Quirinali avi na bedda virga e, comu i vecchi maistri di scola, pi cu sbagghia ci sunnu coppa a leva pilu. Un secunnu dopu Chi, comu i picuruni u rivutarru, i chiamoi tutti e ci dissi chi aviunu fari un govennu assemi, u”fradiciu”, u “sepulcru” e dda maniata di pacci du Pi Di. Di carusazzi di Grillu non c’era bisugnu picchì aviunu annari ancora a l’asilu. U primu a capiri a lezioni fu Bellusconi, chi divintoi nu scolaru ubbidienti e diliggenti, tutti l’autri si misiru sull’attenti, picchì nun cuntaunu cchiù nenti. U Prisidenti, e Cumannanti Gioggi, fici finta di sfugghiari na maggherita e Ghiamoi Lettinu pi fari u guvennu. Iddu,chi è un bravi figghiolu,si misi All’opra e, in quattru e quattru otto, fici na bedda squadra e ha prisintoi a Nazioni. Dannu un coppu o ciccu e un coppu o timpagnu rinisciu a comple Tari na lista di giucaturi,u probblema era cu quali sistema di giocu aviunu giucari. C’era pa Pulizzia Anciulinu u “corazzeri”, a Professoressa Corazza pi studenti, a sciarrina e livantina Boninu pi l’affari straneri, pi l’affari Nostri Lupi ca bucca duci e cu culu amaru, a bionda Lorenzina pi fari Stari megghiu i malati, Nunziella pi fari vinniri cacchi du aranci i cchiù, u Saccu pi soddi e a Cancelleri pi tribunali. E dopu puru, Giuvanninu pi Teniri i cunti di travagghiu chi si peddi, u suddatu Mauru, a canoa Idem o A Stissa, Orlandu, Francischeddu, D’Alia, Trigghia, Quagghia e pu spettaculu Brai chi sona a tarantella, Moaveru! Na picca d’aria frisca a puttoi Cecilia, a nira, chi avia pinsari a chiddi chi venunu chi barcuni. Ma na rinnina nun fa primavera.

U miraculu i San Gioggiu

Una Pi Simana 
di Donnantoni

A Roma, nto pallammentu,c’era na vipera chi si manciava i cristiani. I genti dispirati non sapiunu c'aviunu fari e prigaru a San Gioggiu si ci putia pinsari. Iddu i scutoi , subutu arrivoi e ccu un coppu sulu mazzoi sta vipera. Praticamenti a ottantottu anni divintoi pa secunna vota Prisidenti da Repubblica e puru Re d’Italia. Du malignu chi baffitti, D’Alema, e d'autru carusazzu fanaticu di Renzi futteru maagara o patrozzu Prodi,a matina u vutarru e a sira u nchippittarru. Bersani l’avia cumminatu rossa cu Marini, si vulia ittari a mari,u Partitu si putia chiudiri, i cumpagni faciunu buci nte ghiazzi e

Brucianu i tessiri,tantu erunu ncazzati. I capi du Partitu Democrati Cu,chi di quannu nasceru hannu picca curaggiu,cu tutta a matina, ca ancora era nto lettu, annaru unni Napulitanu e ci dissiru: o ni iuti o semu motti .U vecchiu pi futtuna ci caloi a testa,a cosa si sistimoi e cu di dui ncucchiati, du fradiciu di Bellusconi e du vecchiu di Monti, divintoi Presidenti tonna vota Peccatu picchì c’era u prufissureddu, Rodotà, e non ciavissi statu bisognu mi si strazzaunu i robbi incoddu, mi si ittaunu i mani nte capiddi;era un cristianu ca testa supra e spaddi e preparatu. Grillu ci avia sbraitatu nta facci chi si l’avissunu vutatu putiunu fari u govennu assemi. Purtroppu Bersani e i so cumpari si vutarru di n’autru latu,chi di dda ricchi non ci sintiunu cchiù. Nto computer chiddi chi ancora vutaunu pa sinistra scriverru chi vuliunu tutti a Rodotà, chi cu iddu putiunu canciari i cosi,chi ci putia essiri cchiù giustizia sociali,cchiù diritti,cchiù paci e chi fossi Bellusconi s'avissi luvatu di menzu e scatuli. C’era sulu na cusitta chi non quadtava, Rodotà era di sinistra,u patti tu democraticu.s’è veru ,sulu na nticchia.