Una Pi Simana di Donnantoni

Era na fimmina di ferru però avia un cori di petra

Nta terra da chiesa separata,muriu a Signura Taccer,chi avia assai chi era nto nfunnu i lettu e a testa non ci riggia cchiù.Appena a
Vuci si spaggiu ci forru chiddi chi si dispiacerru,ma tanti sunarru i trummetti
Pi festeggiari picchì quannu fu Primu Ministru ci fici fari i budedda fradici.Idda
E so cumpari Reggani ni ficiru i tutti i culuri;si misiru nta testa chi
ci aviunu dari tutti cosi e ricchi,chi si pagaunu cchiù picca tassi e non aviunu
I sindacati nto menzu e scatuli,avissunu ammanteniri ricchizza e travagghiu pi tutti.A Nglisa
Annava dicennu peti peti ca società non esistia,chi non c’era bisognu di fari tanti
Liggi pi cchiù poviri,chi ognunu si l'avia a vidiri pi caddi soi.I minaturi,chi sunnu
Genti chi non si scanta, ficiru sciopiru, però idda avia u cuteddu da
Patti di manicu,i battiu e ci fici peddiri u travagghiu.Canuscennuli,è sicuru chi
Quannu a ncontrunu suttaterra ci fannu na facci nira comu u cabbuni.
Quann'era o guvennu a Bossa di Lontra nchianoi assai,sulu chi
I povarazzi chi non aviunu travagghiu o si mbriacaunu o puru si nannaunu a ru
Bari.A Signura nte cirimonii si smastriava comu si era na rigina,ma i cosi annau
Nu mali e a so stidda leggiu leggiu si stava stutannu.Era lesta chi finia,quannu
Quattru generali aggentini,fascisti chi mani nsanguliati,circarru di invadiri
L’isuli Malvini, chi erunu terri di nglisi a fini dill’oceunu Atlanticu. Margarita non
Su fici diri du voti,uscioi u pettu e iammoi subutu guerra.Nta quattru e quattrottu
I fici girari ca cuda nto menzu e iammi e ci batteru tutti i mani.Paria tuttu a postu, ma siccomu annava o stottu comu i capri,ci mintiu na tassa a
Stissa pi tutti,ricchi e poviri,e finammenti cadiu du sceccu. A Taccer si potti
Fari a nomina di Signura di Ferru, ma nuddu si po’ scuddari chi fici moriri di
Fami Bobby Sandis nte cacciri irlandisi ,chi dissi chi Mandela era un dilinquenti
E Pinochet un bravu cristianu.A Lontra cuminciaru a scumittiri si nnava nto
Paradisu o nto nfernu,ma appiru suspenniri i puntati tantu è sicuru unni va a
Finiri.

Una Pi SIMANA DI DONNANTONI

TRI MOTTI E TANTA RAGGIA

A Civitanova,nta regioni di Marchi,succidiu na disgrazzia chi fici
Cianciari tutta a nazioni. Anna Maria pinzionata,so maritu Remu,sen
Za travagghiu e ancora senza pinzioni(malanova mi avi a Forneru) e
Giuseppi,u frati di Anna Maria, pinzionatu e sulu erunu nte nbrog
Ghi.Avia quattru misi chi non pagaunu l’affittu da casa e autri debiti,
E i soddi chi pigghianu frati e soru non cia bastaunu,erunu a testa pi
Sutta e pedi all’aria e si ffruntaunupicchì non vuluinu limo
Sina e nemmenu commiserazioni.Pi iddi,chi non aviunu figghi,c’era
Sulu u scuru i menza notti.Maritu e muggghieri,chi si vuliunu beni,
sa discurrerru e pensarru chi nta sta terra non aviunu cchiù nenti a
chi fari;muti muti si nannarru nto scantinatu e s’impiccarru tanti bid
ditti,assemi nta vita e nta motti.Giuseppi,u fraticeddu,appena sappi
ch l’aviunu lassatu sulu,scappoi pacciu di duluri e di disperazioni e
si ittoi a mari.Sta svintura chi ci capitoi a sta famigghia di brava e
onurata genti fa scurriri i lacrimi,ma cchiussai fa ncazzari. Chi m…
…..di società è chidda chi lassa suli i pessuni quannu si trounu nte
Mali acqui! Si po’ chiamari civiltà chidda chi abbannuna u cchiù
Debuli o so destinu?Pari chi semu nta na giungla unni sopravvivi
U cchiù fotti e u debuli mori.A motti di Remu,Anna Maria e Giu
Seppi sunnu na moffa e na viggogna pi tutti.Voli diri,pagamu i
Tassi,vutamu ,facemu i liggi e,pi finiri, non semu capaci di iutari
Chiddi chi hannu bisognu.Saria propria ura di cambiari registru e
Nu statu,na comunità,si si voli chiamari civili,quannu spenni i so sod
Di avi a cuminciari pinsannu a chiddi chi stannu cchiù mali e poi
All’autri.

Una pi Simana di Donnantoni

Paccii una supa a n’autra

O malatu chi soffri di deprissioni e non è curatu,ci po’ pigghiari a paccia, e mi pari chi l’italia

è a bon puntu.
U Ministru Terzu,ci 'nnoi bona, si dimittiu du govennu chi non malia nenti, picchì i marò erunu boni Cristiani e i piscaturi indiani figghi i buttana.
Mentri a Roma i guvvinanti sparraunu a Firrara na maniata i poliziotti faciunu buciSutta a finestra da mamma di Federicu,inciuriannu i giudici chi aviunu cundannatuI cumpagni di divisa pi l’omicidiu du figghiolu,disanurati e senza rispettu pi naMamma chi avia piddutu u figghiu. Puru Battiatu ,chi na vota ciccava u centru di Gravità pemmanenti,a cumminoi rossa. U mannaru a Brucselli,pi cuntu daRegioni siciliana e dissi chi nto pallamentu c’erunu tanti troii,chi pi soddi e putiriErunu pronti a fari tanti beddi travagghi.Crucetta,chi finu a ora non n’ha sbagghiaTu nudda,u mannoi subbutu pa casa a fari u cantanti .E cu sapi quantu italiani vurRiunu chi Pippu Grillu ritunnassi a fari u comicu,ma iddu è convintu chi è un politicu,e puru quannu è vistutu bonu e licchittatu manna sempri tutti a fanculu.E pi inchiri a pumpetta di paccii e di cazzati,non putia mancari chidda du mastruDi l’opira di pupi,u zu Silviu.Iddu,cu da facci i sola chi si ritrova,dissi chi vulia fariU Prisidenti da Repubblica, accussì supra o Quirinali sventula assemi a bannerA puruNa mutanna.Un salutu pi finiri o cantanti dutturi Enzu Iannacci chi inveci era tantu saviu. Pa So strada scuntroi A Vecchia Strega e ci cantoi No Tu No,No Tu No, però Idda
 su puttoi o stissu.

Una pi Simana Di Donnantoni

Pa prima vota Obama 'noi in Israeli e fu ricivuto cu tutti

santi crismi e cu tanti manati supa e spaddi, e nun putia essiri nta
N’autra manera, cunsiderannu i soddi e l' ammi chi ci
Arrivunu d’America.U Prisidenti d'America in segnu di 
Amcizia e di devozioni si mintiu a birrittedda e s’inginucchioi
Davanti e sepolcri ,i monumenti e nte chiesi. Nta l'appuntamenti
Ufficiali cu Beniaminu Netaianu ci cunsigghoi di fari a 
Paci chi Palistinisi, però chi è puru giustu chi si di
Fennunu i so interessi picchì sutta sutta hannu cchiu
Ragiuni.

L'Israeli avi trimila anni chi c'è e fossi a Palistina
No. Poi parraru da guerra cu L’Iranni e ci dissi cu so guvennu è contru. Però
Si iddi a a vonnu cumiciari ,na mani d’aiutu c'ha duna.Stu stissu
Prisidenti però, tuttu scantatu e tiratu nte cirimomii di statu,
si pigghioi di curaggiu davanti e studenti di Gerusalemmi , e nto
discussu ci dissi: su Populu Ebbraicu d’Israeli voli durari,

avi fari nasciri a Palestina ,sulu accussì tanti carusi innocenti ponnu finiri di soffriri.
Pariria na speci du discussu chi fici tanti anni fa o Cairu;
purtroppu nenti succidiu dda vota e nenti succedi sta vota.
U Focu dumatu da guerra Israeli Palistinisi ancora bampa
E i spisiddi rriunu all’autri banni e bruciunu tutti cosi.
Obama parra bonu però i fatti sunnu chi si cuntinua a costruiri
Colonii, a ittari fora a povira genti di casi e a isari mura.
Tutti di voti a favuri nto Palazzu di Vitru e non c’è 
mancu l'ombra da Palistina, e u Diavulu cuntinua a
Sautiddiari cuntentu nta Terra Santa.

Una pi simana di Donnantoni

Un Papa di l’autru munnu

Dopu tantu spittari a finetsra si apriu e nto baccuni si faccioi u
Cchiù vecchiu di caddinali chi ghicchiannu e dissi urbi e orbi.
U novu Papa è Mariu Bergoglio però si fa chiamari Francesco.
A chiazza pu un secunnu ristoi muta picchi no canuscia, poi
Si ripigghoi,battiu i manu fotti fotti e bucioi “Eviva u papa!”.

I caddinali nte du ionna chi ristaru chiusi nta Cappella Sistina ficiru nu bellu
Travagghiu e vutaru pi cuscienza e no pi cunvinenza,pinsaru ca
Chiesa non è sulu nta l’Italia o nta Spagna o nta Francia ,ma è nta
Tuttu u munnu e chi era l'ura di canciari. Mariu Bettogliu veni di
L’Aggentina,di l’America povira , figghiu
Di un ferruveri du nord,dopu u diploma si fici parrinu e ntrasiu nte Gesuiti chi
Sunnu i megghi pi studi e nsignamenti. U ficiru vescuvu e puru caddinali nta
Bonosairis. Sibbiu u populu e iutoi i povarazzi di barracchi.

Ma c’era nu bruttu ricoddu chi ci macinava 
Nta testa e un ghionnu si dicidiu e dissi na missa di pinitenza pi piccati
Da dittatura fascista,quannu a so Aggentina avia divintatu un cacciri
E i motti cadiunu du celu. I so primi paroli, a so prisenza mudesta,u
So inchinu vessu a genti chi prigava pi iddu,ficiru luci nta San Petru
E nta tutta Roma e si pigghioi un nomi tantu bellu chi fa rizzicari u
Pilu; chiddu di Francescu, u santu d’Assisi,chi ni fa pinsari a na chiesa
povira povira e pi poviri. Pari na strada signata chidda chi voli fari u novu Papa.
N’avriumu bisognu tutti, cattolici, di autri riligioni e magara chiddi
Chi non cridunu a nenti.

Una pi simana Di Donnantoni

E Venezuelani ci muriu u patri

U Cumannanti Ciavis,cummattiu cu tantu curaggiu contra nu bruttu mali,
ma a fini sappi arrenniri; mancu i prufissuri cubani,chi studiaru nte sco
li da rivoluzioni,ci pottiru fari nenti. 'Nt' America
latina pi tantu tempu cumannaru i spagnoli,ca scaciuni
chi c' aviunu a puttari a parola du Signuri. E sabbaggi, a genti chi stava
prima dda, ci pigghiarru tutti i megghi cosi e i lassaru poviri e pacci.Poi
rruvaru i miricani,chi aviunu u stissu viziu e, si cacchidunu vulia faria na rivoluzioni si cattaunu quattru generali e faciunu un coppu i statu.
Nto seculu chi passoi, ci fu un mumentu chi a tutti i banni c’erunu ditta
Turi,picchì i dollari e l’affari valiunu chiç ssai da libbettà. Ma nto venuzue
La i cosi non foru accusì, i suddati aviunu a birritta stotta e non si faciunu
Cumannari.Uno di chisti,u Cummannanti Ciavis,pinsoi chi s'avia fari un
Coppu di statu non pi lassari i cosi come’erunu ma pi canciarici a vita a di poverazzi.Mancu fattu a posta non ci rinnisciu, pero' si fici
Canusciri,e quannu ci foru l’elezioni spunnoi.
Poi u fici a secunna vota e a tezza e pi sempri.Vincia picchi tutti di venezuelani
motti di fami, chi soddi du pitrolio,si
Cuminciaru a cattari cacchi cosa i manciari,putiunu annari a scola e,si si
Sintiunu mali c’eruni i dutturi du cumpagnu Castru,chi non si faciunu mancu pagari. A duminica u Cummananti parrava ca so genti nta tele
Visioni pi uri e uri senza mi si stancava ci spiegava tutti i cosi chi facia
Pi filu e pi segnu. Ci battiunu i mani picchì
cu l’autri non aviunu vistu nenti. U Venezue
La si sintia scattru picchì e miricani ci parrava chi manu nta facci, perñ u mummurianu
pa confidenza cu Putin e d'autru beddu spicchiu di Ghiddafi.Tanti
Genti di sinisttra si incheru a bucca da Rivoluzioni Boliveriana, acscusì
Si ghiamava u govennu, sfuttuna chi a democrazia era pi cummogghia e ,strincennu strincennu
Cumannava unu sulu. Ma è possibili chi tutti sti patrunali e libirali di quattru
Soddi con capisciunu chi si non canciunu, ponnu nasciri tutti Ciavis du munnu, avirannu sempri cazzi mi ci cuntunu o Signuri?

Una Pi Simana di Donnantoni

Nuddu vinciu. Tutti piddemmu. Macara u Papa si schifioi e scumpariu.

Ogni vota chi si fannu i votazioni c’è unu chi vinci e unu chi peddi, 'nta l’Italia no!

Ora Berlusconi si voli mentiri assemi a Bersani mi su futti, a Bersani ci piaci Grillu,

Maroni canta u va pensiero e Grillu i manna a fanculu a tutti quanti.

A genti non sapi chiddu chi avi pinsari, o peggiu non c’è mai fini.
Bersani è senza fozza, Grillu dici tanti cosi giusti, ma pi comu i dici pari u duci,

Berlusconi avi nta testa sulu fimmini e magistrati.

Tedeschi, francisi, spagnoli cuminciarru tonnavota mi ni 'nciuriunu: prima aviumu
un buffuni, ora divintaru dui. Fattu sta chi si non ci saria Monti (d'autru a
scippoi na gran mennula!), sariumu a mari cu tutti i robbi.

Cu capisci comu si sciogghi sta matassa è bravu.
S'aviria parrari chi mavari,chi sannu chiddu chi n'avi mattiri.

A megghiu cosa saria chi pa prossima vota, dumani o dopudumani, l'italiani si mentunu a
raggiunari cu ciriveddu, no ca panza.

E videmu si a sta manera non ni pigghiunu chiù pu culu.